Plantun de Prouvènço

Pèr coumpara dos planto d'encò nostre

Orobanche minor & Rumex arifolius

Orobanche minor

Orobanchaceae

Noms en français : Petite Orobanche, Orobanche du trèfle.

Descripcioun :
L'asperjo-sóuvajo dóu gènre Orobanche, se rescontro sus li camin, dins lis ermas e li tepiero seco. Sa coulour èi proun chanjadisso, souvènt brunello emé de vióulet amé la tijo jauno coume eici o quàsi sènso coulour. Fai partido dóu group qu'a de péu glandoulous clar emé un estigmate rouginas. Lis estamino soun estacado de 2 à 3 mm de la baso de la flour e li fueio en escaumo soun en lanço (< 2 cm). Parasito forço planto diferènto (poulifajo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Brunello
Petalo : irreguliero
Ø (o loungour) flour : 13 à 20 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Camin - Ermas - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Orobanche minor Sm., 1797

Acètou

Rumex arifolius

Polygonaceae

Àutri noum : Acèti, Aigreto.

Noms en français : Rumex à feuilles d'arum, Rumex alpestre.

Descripcioun :
L'acétou o l'acèti coume se dison lis eigreto en mountagno (J.-L. Domenge in LMT, op.cit. p. 60) , trachis dins li relarg à rousage e li faio. Es uno planto proun proche de Rumex acetosa, coumuno en basso Prouvènço, pamens a de fueio pu larjo que dounon d'èr à li dóu sangueiroun .

Usanço :
Coume lis àutris eigreto, es uno planto manjadisso (tian, meleto...), pamens fau pas trop n'en manja malodi l'acide óussali qu'èi marrit pèr li rèn. La planto èi peréu vertuouso (vèire çai-souto).

Port : Grando erbo
Taio : 0,3 à 1 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 à 8 mm
Flourido : Printèms - Estiéu

Sòu : Ca
Autour basso e auto : 400 à 2300 m
Aparado : Noun
Jun à avoust

Liò : Relarg à rousage - Prado à rousèu - Faio - Camin
Estànci : Mountagnard à Aupen
Couroulougi : Éurosiberiano
Ref. sc. : Rumex arifolius All., 1773 (= Rumex alpestris Jacq., 1762 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orobanche minor & Rumex arifolius

Coumpara Asperjo-sóuvajo emé uno autro planto

Coumpara Acètou emé uno autro planto